KrassBrass je festiwal brassoweje hudźby. Wot klasiki hač do moderny – chcemy wam pokazać kak mnohostronska dujerska hudźba być móže. Tohodla chcemy z wami hromadźe jedyn z najwjetšich dujerskich open-air-festiwalow Łužicy swjećić!
Na jewišću wočakuje was pisany program:
Tak nam na tutym wječoru dujerska kapała „Horjany” a “Chróšćanscy dujerjo” serbsku, čěsku a morawsku dujersku hudźbu zahrajetaj. Ale nic jenož „klasiska” dujerska hudźba so zahudźi, ale tež moderniše beaty so zaklinča – wězo wšitko hrate z dujerskimi instrumentami. Wo to postaraja so „Balkaneros“ z Drježdźan (Balkan Brass) a skupina „BrassWoofer“ z Hannovera (Urban Brass, hiphop-Brasse). K zakónčenju napołoži ,,DJ KrassBrass-Plattendreher“ někotrych brassowych klasikarjow w techno-woblečenju.
Při tutej kombinaciji je tola za wšěch něšto pódla – wjeselimy so na was!

KrassBrass wotměwa so 03.06.2023 w Hórkach (01920) při sportnišću

Program:
Zastup wot 15:00 hodź
16:00 hodź: Chróšćanscy muzikanća
18:30 hodź: Dujerska kapała Horjany
21:00 hodź: Balkaneros
22:30 hodź: BrassWoofer
00:00 hodź: KrassBrass-Plattendreher

Kartki płaća 15€ a dawaja w předpředań kaž tež při wječornej kasy. Kartki za předpředań namakaće tu.

Dźěći z a hač do 14 lět maja swobodny zastup.