KrassBrass Open Air je festiwal brassoweje hudźby. Wot klasiki hač do moderny – chcemy wam pokazać kak mnohostronska dujerska hudźba być móže. Tohodla chcemy z wami hromadźe jedyn z najwjetšich dujerskich open-air-festiwalow Łužicy swjećić!
Na jewišću wočakuje was pisany program:
Tak nam na tutym wječoru dujerska kapała „Horjany” a “Chróšćanscy dujerjo” serbsku, čěsku a morawsku dujersku hudźbu zahrajetaj. Ale nic jenož „klasiska” dujerska hudźba so zahudźi, ale tež moderniše beaty so zaklinča – wězo wšitko hrate z dujerskimi instrumentami. Wo to postaraja so „Banda Comunale“ z Drježdźan (Balkan Brass) a skupina „Beat´n Blow“ z Berlina. K zakónčenju zahraje skupina ,,Kurkapelle Sonnendeck” z Drježdźan modernu hudźbu w techno-woblečenju.
Při tutej kombinaciji je tola za wšěch něšto pódla – wjeselimy so na was!

KrassBrass wotměwa so 22.06.2024 w Hórkach (01920) při sportnišću

Program:
Zastup wot 17:00 hodź
18:00 hodź: Chróšćanscy muzikanća
19:30 hodź: Dujerska kapała Horjany
21:00 hodź: Banda Comunale
22:30 hodź: Beat´n Blow
00:00 hodź: Kurkapelle Sonnendeck